بسم الله الرحمن الرحيم
اولا كلنا بنحب مصر ولا ايه رايكم ......؟
بس ممكن نتكلم بصراحه مصر ما بقتش مصر اللى ربنا زكرها في القران الكريم انها مليانه خير ورزق .
فين الخير ؟؟؟؟
الخير منهوووووب والرزق مكتوب لناس معينين بس.
طيب احنا فين من ده كله ؟؟؟
خلينا والنهب والسرقه .
انا مش فاهم بلد فيها نهر من اكبر انهار العالم يعني زراعه وصناعه ,توليد طاقه كهربيه , مياه عذبه للشرب.
بلد فيها بحرين من اهم بحار العالم بحر الابيض والبحر الاحمر يعني سياحه , ملاحه , ثروه سمكيه .
بلد فيها ثلث اثار العالم ثلث اثار العالم .
بس اثار ايه وبطيخ ايه بقه والناس بتاجر فيها المهم الاثار دي يعني سياحه المفروض يكون فيه.
بلد فيها قناة السويس دي بتدخل كام يوميا؟؟؟؟؟
بلد فيها كل المقومات دي وما فيهاش خير ازااااااي؟؟؟
انتو عارفين يا جماعه ان في بلاد بتزدهر وتبقى قوه عظمى في العالم معتمدين على حاجه واحده بس من اللي انا ذكرتها فوق .
ماباكم بلد فيها كل المقومات دي
والله مره واحد صحبي سوري بيتكلم معايا فلفت نظري للنقطه دي عارفين قاللي ايه :
( والله يا تامر لو خير مصر يدخلها تلبس كندره دهب في اجريك ) بنفس اللفظ منه
عارفين قصده ايه ؟؟
قصده ان لو خير مصر يدخل لاهل مصر نلبس في رجلينا جزم دهب .
اه والله لو الخير بيدخلنا نلبس جزم دهب.
كفايه لاني تعبت من الكلام وانا عارف اني ما فيش فايده.
قبل ما اسيبكم في مشهد عجبني اوي في فيلم عمارة يعقوبيان وبستغرب ازاي ما تحذفش في الرقابه
عادل امام كان خارج من بار مع هند صبري وعند تمثال طلعت حرب بيقول ( اتفرجي على البلد اللي باظت البلد دي كان فيها ناس محترمه الموضه كانت بتنزل هنا قبل اوروربا وباريس ....دلوقتي عمارات طويله ومن تحت مسخ احنا في زمن المسخ)
احنا فعلا في زمن المسخ يا جماعه
كفايه كده عشان بجد تعبت مش من الكتابه من التفكيرفي المواضيع دي والله احنا نهاجر احسن زي ما علاء قال .
سلام
موضوع: انته مصرى ..؟؟؟ مش عارف.....ادخل مش هياخد من وقتك 5دقايق 
الثلاثاء 04 ديسمبر 2007, 9:33 am
.... 
