اقولك ايه يا مصر

المساهمات : 40 تاريخ التسجيل : 04/04/2008

كنت ماشية فى حالى وسمعت صوت
أتاريها مصر بتسألنى
يااللى انت من اهلى
بصيت لها ورديت
نعم يا مصر
قالت لى عاملة ايه مصر وازيها
ازاى ناسها واهلها
لسة زى زمان
قلت فى نفسى
ارد واقول ايه
اكدب عليها
ولا اقول لها على اللى احنا فيه
قولت لها زمان
دة وقت عدة وكان
خلاص مفيش طيبة ولا حنان
اهلك بقوا بينهشوا فى لحم بعض
ارضك صبحت غابة ما بقتش ارض
ادام فى خد لازم وهات
ما ينفعش خد بس ومن سكات
وشبابك مدمنين خمرة وحشيش ومخدرات
وانتى بتقوليلى زمان
زمان.... زمان ايام الجدود
لما كانت الطيبة
مالهاش حدود
اما كنا عايشين
فى نفس البيت
مفيش بنا سد ولا حيط
كلامى بكاها وبكيت انا معاها
وقبل ما امشى ...
قالت لى :ياريتك ما حكيت
لا كنت بكيتنى
ولا بكيت

حقاً