دعاء واحد مصري مطحون::::

دعاء واحد مصري مطحون::::

>>>اللهم أنقذنا من نفسنة الزملاء.. وغباء الأصدقاء ومفاجأة الأعداء
>>>
>>>اللهم ارحمنا من استبياع الجيل الجديد.. وحرائق السكة الحديد
>>>واستقصاد كل مدير.. ونداله القرايب الصغير منهم والكبير
>>>
>>>اللهم أغثنا من كل عميل.. ومن فواتير موبينيل
>>>اللهم أرحمنا من تشريفه عربيات المسئولين، وزحمة الشوارع في كل حين
>>>وسحب الرخص في كل كمين.. من الغلبان مش م المتين
>>>
>>>اللهم اهدى لنا سواقين الميكروباص
>>>ومدير الشركة البصباص
>>>اللهم ارحمنا من الشئون القانونية وشئون العاملين
>>>واللي بيقفوا فـ وسط الشارع فجأة وبدون إشارة
يمين
>>>
>>>اللهم قنا شر الكليبات..
>>>وشر شلل البنات.. ولؤم الستات وغباوة الحموات
>>>والمينيمم تشارج كافيهات..
>>>وهيافة الصحف والمجلات
>>>وقطع الحرارة فجأة عن التليفونات وقت الزنقات
>>>والمدارس اللي بتطلب تبرعات بالألافات
>>>ووقوع السيرفر وقفلة السايتات
>>>
>>>اللهم ارفع مستوى الفريق القومي..
>>>لمستوى أنبى والحدود.. أو حتى مستوى أسمنت أسيوط
>>>أو أرسل يارب عليه صاعقة.. بدل ما يخلونا نموت..
>>>
>>>اللهم سدد أقساطنا.. وضلل عنا مآمير الضرايب
>>>اللهم ارزق جيل الوسط عقود عمل في ليبيا وقطر
>>>اللهم افتح لجيلنا القديم الطريق الفسيح
>>>حتى ننظف انتخابات البلد من لعبة المراجيح
>>>اللهم ارحمنا من الاكتئاب مرض العصر والشباب
>>>واحمي يارب سماء مصر من سحابة
الهباب
>>>واكفنا شر صاحب الدقن الكداب
>>>وصاحب التصريحات النصاب
>>>
>>>اللهم ارزق كل بنت بعريس هدية..
>>>وكل شاب بوظيفة وشقة وعربية
>>>اللهم أحرق الـ0900
>>>واضرب الحرامية بالحرامية
>>>ونجح أي طالب في أي كلية
>>>حتى ولو كان في التربية الموسيقية

>>>آآآميين يارب
>>>

خالص امنياتى
*~* SheriF *~*

SheriF كتب:: دعاء واحد مصري مطحون::::

>>>ونجح أي طالب في أي كلية
>>>حتى ولو كان في التربية الموسيقية
>>>آآآميين يارب
>>>

وحتى لو كان فى تجارة

امين يا رب

ايه يا عم شريف ومالها التجاره

انت عاوز منتداك يتصادر والا ايه

بلاش تلعب مع الاغلبيه

والكتره بتغلب الشجاعه

المساهمات : 3 تاريخ التسجيل : 30/11/2007

يارب تنجح يا عم شريف وتجيب كده +F

نايس توبيك يا زميل

يا رب

كل الطلبة تنجح

متشكرين على الموضوع الذيذ دا

المساهمات : 9 تاريخ التسجيل : 03/04/2008

تسلم أيدك شريف
موضوع جميل

بس دا مش مطحون
دا مقهور دعاء واحد مصري مطحون:::: Icon_pale

بيـــــــرى كانت هنـــــــا

المساهمات : 6 تاريخ التسجيل : 24/06/2008

ههههههههههههه

بصراحة دعاء جميل
وعلى قد مافيه طرافة بيشكي
الحال اللي فيه المصريين بجد
تسلم ايدك شريف على الموضوع

بيـرى كتب:: تسلم أيدك شريف
موضوع جميل

بس دا مش مطحون
دا مقهور

بيـــــــرى كانت هنـــــــا

شكرا يا ست بيرى على تواجدك نورتينا

متابعه كتب:: ههههههههههههه

بصراحة دعاء جميل
وعلى قد مافيه طرافة بيشكي
الحال اللي فيه المصريين بجد
تسلم ايدك شريف على الموضوع

فعلا يا متابعه الموضوع مش للطرفه فقط
ولكنه يمثل حال شعبنا المُعَذَب
.
شكراً اخت متابعة على تفاعلك
اتمنى لكِ مزيد من التقدم