انت طيب ؟؟!!! ولسه عايش !!!, جاوب بس بصراحه

فراغ داخلى
قلب محطم
فى محاولة يائسة منى لأستجماع بقايا أشلائه المتناثرة
تنقصنى بعض الأجزاء
للأسف لازالت معهم

محدش فينا يقدر ينكر أن الطيبة مفتاح لحاجات كتير أوى ودليل على شخصية صاحبها الأصيلة .وهى من الصفات اللى بيفصلها شعرة عن الهبل.

وكتيــــــــر بنستخدم مصطلح (خليك طيب بذكاء) واللى مش قادر أفهمه لحد دلوقتى هو فى حاجة اسمها طيبة بذكاء يعنى أبقى طيب فى موقف والتانى لأ ... ولا أفكر أبقى طيب أمتى ؟؟؟

أعتقد أن ده قمة اللؤم يعنى

بس يمكن نظراً للأحوال النفسية السيئة والشباب اللى بقوا عبارة عن عقد وكلاكيع على حبة صدمات بقت الطيبة وأنك تكون على سجيتك اسمها هبل

الناس بجد بقت غريبة أوى بتناقض نفسها وعادى جداً مش شايفة انها غلطانة فى اى حاجة
عارف لما تكون رايح منطقتين فى ا تجاهين عكس بعض وعايز توصل للأتنين فى نفس الوقت أهو احنا بقينا كده
حتى لو لقينا حد طيب نقول ده بيمثل وبعد كل ده نرجع فى الأخر ونقول أصل الناس الطيبين أختفوا من البلد

الأنسان منا يكون طيب وهادى وفى حاله وبمجرد احتكاكه بالناس ياخد على دماغه ومرة بعد مرة يبتدى يعقلها ويفكر مليون مرة قبل أى حاجة وده مش غلط بس أهم حاجة تفكيره ده هياخده لفين

وفى الأخر عايزه أسأل سؤال
أنت طيب....ولسه عايش؟

أكيد فيه ناس طيبين وعايشين

لازم يكون فيه والا مش هنبقى فى دنيا كنا هنبقى زى الغابه

وربنا يستر

دمعه مشكوره على الموضوع